TRÍPTICO POSIBILIDADES DE RESINACIÓN PARA PINUS PINASTER AIT. EN GALICIA

O Centro de Investigación Forestal de Lourizán (CIF Lourizán) instalou, desde 2015, diversos ensaios para determinar as posibilidades de aproveitamento resineiro en Galicia para a especie Pinus pinaster Ait.

Aínda que Galicia non é tradicionalmente unha comunidade produtora de resina, o auxe do seu aproveitamento a mediados do século pasado propiciou que, desde comezos dos anos 50 a principios dos 70, o antigo Instituto Forestal de Investigacións e Experiencias (IFIE) investigase as posibilidades deste aproveitamento na comunidade. A crise do sector e a falta de tradición paralizaron estas experiencias e o fomento deste aproveitamento na rexión.